9 крокаў да ўласнай беларускай кашулі: мой досвед.

Літаральна на днях амаль скончылася справа над маей кашуляй, якая дапоўніла народны строй (бо паяс, магерка ўжо былі). Жонка справілася з гэтым раней, у яе е сапраўдны строй пачатку 20 ст. І там я хачу распавясці вам пра працэсс яе стварэння і ўласны досвед, можа вам будзе цікава, калі вы збярэцеся зрабіць штосьці такое ўласнае. Пачнем з адказаў на галоўныя пытанні, а ў канцы крыху здымкаў.

9 крокаў да ўласнай беларускай кашулі: мой досвед.
9 крокаў да ўласнай беларускай кашулі: мой досвед.


1. Навошта вам трэба кашуля? 


Калі справа ідзе выключна пра моду, дык вам зручней скарыстаць вышымайку. Я замаўляў кашулю як святочная адзенне для сямейных урачыстасцяў і для наведвання фестываляў і некаторых народных святаў. Зразумела, бо я цікаўлюся народнай культурай. Таму я сабе паставіў мэту зрабіць як мага больш аўтэнтычную кашулю. З чаго складается тая самая аўтэнтычнасць?

2. Выбар месца і культурнага рэгіёну.


Не існуе “беларускай” ці “ўкраінскай” кашулі. А існуюць пэўныя строі, характэрныя для культурных рэгіенаў. На Беларусі бытуе некалькі дзесяткаў строяў, а на тэрыторыі кожнага строю есць яшчэ лакальныя асаблівасці. Дзесьці яны сцерліся, а дзесьці яшчэ выразныя. Таму чытаце кнігі, шукайце прыклады арнаменту і вопраткі, характэрныя для вашага рэгіену. Ідэальна – акурат з вашай вескі ці з суседніх. Прыкладны культурны рэгіен, для мяне гэта Магілеўшчына, дакладней - Падруцце – мяжа Быхаўскага і Магілеўскага раенаў, старажытнае памежжа між радзімічамі і крывічамі (Быхаўскае графства ў 17-19 ст.).


3. Выбірайце тып арнаменту. 


Выбар арнаменту бярэ ў разлік яго месца (каўнер, манжэты, планкі) і “мэссэдж”, якое значэнне вы хаціце у яго ўкласць. Для большасці беларускіх строяў характэрны крыжова-рамбічны геаметрычны арнамент, элементы якога заўсёды павернутыя на 45 градусаў адносна поля набору, а ўсе фігуры ўтвараюцца на аснове спалучэнняў касога крыжа і ромба. Структура абумоўленая тэхналогіяй бранага двухуточнага ткацтва. 

4. Выбірайце масштаб і колеравыя адценні. 


Больш – не значыць лепш. Дэкараванне мужчынскай кашулі абмяжоўваецца невялікімі акцэнтамі на рукавах, планцы і падоле кашулі. Каларыстыка арнаменту стрыманая, цёмна-чырвоная (кармазынавая), часам з дамешкам чорнага. Для Беларусі нетыповы ўкраінскі масштаб вышыўкі на кашулях. Тыпова беларускі – гэта стрыманы, лаканічны, геаметрычны і бела-чырвоны. Раслінны арнамент больш сучасны і пазбаўлены глыбокага значэння. Гэтую гарманічную манатоннасць, стрыманасць, абмежаванасць каларыстычных спалучэнняў белым і светла-шэрым з дамешкам чырвонага і чорнага адзначалі ўсе, хто пісаў пра беларускае народнае мастацтва.



5. Каўнер і манжэты. 


Месцы, якія згодна народным уяўленнем, трэба было ахоўваць, бо праз іх магла трапіць розная гадасць. Скарыстаны старажытны сімвал дванаццаціканцовага крыжа ў ромбе. Абарона 12 месяцаў у гаду))). Гэты сімвал азначае агонь, сонца, перамогу, лад. Заключаны ў ромб ён падпарадкуецца агульнаму парадку.



6. Планкі. 


Планкі на грудзях – гэта дэвіз, слоган, так сказаць, ваш пасыл сусвету. На планках складаны камбініраваны арнамент. У цэнтры - сымбаль продкаў (мужчна-прарадзіцель, васьміканцовы крыж ці чатыры скрыжаваныя лініі), які абаронены магутным сонечным фонам, сонечным ромбам. Гэта і мае пасланне – як павага да продкаў і мая цікавасць да ўласнай гісторыі. Адзначу, што культа продкаў (Дзяды, Радаўніца і г.д.) – гэта тыповы і вельмі важны для беларусаў культ, традыцыя. Найбольш распаўсюджаным быў так званы сімвал “агульнага продка”, то бок чалавека, які ёсць прашчурам для ўсіх беларусаў.

 

7. Падол. 


Падол азначае сувязь з “ніжнімі” энергіямі і стыхіямі. Я выбраў мужчынскі сімвал Ярылы – сімвал пладавітаці, юра (юр=лібіда), ураджайнасці і поспеху ў начынаннах. Кажучы сучаснай мовай, высокай эффектыўнасці ў розных праектах).




8. Паяс. 


Паяс – гэта крыніца сілы, сэнс жыццевага шляху, прафесіі, самаідэнтыфікацыі. Арнамент паясу – водная стыхія. Водная стыхія мела шмат значэнняў, я выбраў сэнс лекавы: “жывая” вада, “мертвая” вада – моцныя і небяспечныя сілы, якія здольны як адрадзіць, так і знішчыць. Зразумела, у дачыненні да маей працы доктара. 

9. Добры майстар. 


Зразумела, без добрага майста нічога б не атрымалася. Кашулю мне рабіла Наста Глушко (СЭТ). Таксама вельмі важна добрая тканіна, даматканы лен.


10. Вынік:



Комментарии

Архив

Показать больше

Ярлыки

телесность32 болезни30 интересно30 вес27 генетика25 видео24 семья24 экологичность23 мозг22 семинар здоровое питание22 советы18 тест18 цикл "день-ночь"18 измерение ресурсов здоровья17 сон17 стрессоустойчивость17 неврология16 свет15 здоровое общество14 традиции14 медицина13 завтрак11 инсулин11 рецепт11 водно-солевой баланс10 красота10 нейробиология10 самоидентичность10 семинар ваш ресурс стрессоустойчивости10 СМИ9 история9 минимализм9 наука9 природа9 беременность8 диагностика8 юмор8 практика7 температура7 воспитание6 инфекции6 осанка6 продуктивность6 социальные связи6 эволюция6 mtor5 иммунитет5 курс здоровая телесность5 микрофлора5 сознательность5 старение5 NO4 архив4 дизайн4 гистамин3 еда3 искусство3 кофеин3 отзывы3 родословная3 семинар осознанность3 шум3 секс2 серотонин2 смерть2 гомоцистеин1 долголетие1 заметки1 мелатонин1 мотивация1 окситоцин1 работа стоя1 рефид1 солнце1 спонтанность1 статус1 термогенез1 триптофан1 холод1 циркадные ритмы1
Показать больше