21 июл. 2015 г.

Лідскі замак



Былі ў Лідзе і ў Лідскім замку. Дарэчы, з Мінску вельмі зручна выбірацца. Туды 3 гадзіны, назад тры - за ўсе 120 тысяч рублеў, замак у цэнтры гораду ля вакзалу. Вельмі зручна! Мне замак спадабаўся, сапраўдны рыцарскі замак 14 стагоддя! Пытанне реканструкцыі і рэстаўрацыі закранаць не буду, бо і без мяне пастараліся. Што тычыцца гарадской забудовы, дык у Лідзе яна захавалася сціпла.
Лідскі замак
Лідскі замак




Лідскі замак – гэта самы старажытны адноўлены замак Беларусі, яму амаль 700 гадоў. Ен пабудаваны ў 1330-я гады паводле даручэння князя Гедзіміна. Уваходзіў у лінію процікрыжацкай абароны Навагрудак — Крэва — Меднікі — Трокі (пра Меднікі хутка напішу). Замак быў збудаваны з бутавага каменю і цэглы, меў у плане форму няправільнага чатырохвугольніка з дзвюмя вуглавымі вежамі, і быў пастаўлены на насыпным пясчаным узгорку, абкружаным балоцістымі берагамі рэк Лідзея і Каменка, з поўначы — ровам шырынёй каля 20 м, які злучаў гэтыя рэкі і аддзяляў замак ад горада.


Замак паспяхова адбіў атакі крыжаносцаў у 1392 и 1394 гг..У 1384 пасля штурму замак узялі крыжакі і часткова разбурылі. У 1392 атрады нямецкіх і англійскіх рыцараў і войскі іх тагачаснага саюзніка князя Вітаўта аблажылі і ўзялі замак. Замак неаднаразова быў абаронены ад нападаў: у 1394 годзе — ад атрадаў англійскіх і французкіх рыцараў, у 1406 — ад атрадаў смаленскага князя Юрыя Святаславіча, у 1433 — ад войскаў князя Свідрыгайлы, у 1506 — ад загонаў крымскіх татар.Улетку 1659 г. замак штурмам захапіла рускае войска. 

З замкам звязаны славутыя імены: Гедымін, Альгерд, Вітаўт, Ягайла іх ворагі прынц Генрых (потым кароль Англіі Генрых ІV, вядомыя рыцары сэр Генры Персі (1364 (?) - 1403), Джон Бафорт, командоры Ян Румпенгей, Конрад Ліхтенштейнскі. Усе яны стаялі перад ці за гэтымі сценамі.


Падчас Паўночнай вайны (1700-21) замак быў двойчы разбураны шведамі, якія ўзарвалі яго вежы. Апошняя бітва тут адбылася ў 1794 годзе паміж паўстанцамі Касцюшкі, якія бараніліся ў руінах замка, і царскімі войскамі. Варта зазначыць, што менавіта падчас Паўночнай вайны было узарвана большасць беларускіх замкаў (у тым ліку Наваградскі!), бо шведы ніколі не пакідалі цэлых замкаў за спіной. Мо варта патрабаваць у іх грошы на рэканструцыю..





 

















 


Комментариев нет:

Не пропускайте новые полезные материалы!

Понравилась статья? Читайте на здоровье! 
Подписывайтесь и добавляйтесь в друзья в Facebook или в Вконтакте, a также в Twitter, Instagram. Все старые статьи есть в Архиве, видео - на Youtube-канале. Ежемесячная e-mail рассылка. Пишите и звоните!